პარლამენტის ბიუროს სხდომაზე ,,ქართულმა ოცნებამ“ უარი განაცხადა სალომე ზურაბიშვილის გადაწყვეტილებაზე – 5 მარტს წლიური ანგარიშით წარმდგარიყო საკანონმდებლო ორგანოში. აღნიშნულ საკითხზე მწვავე შეფასება გააკეთა პრეზიდენტის საპარლამენტო მდივანმა გიორგი მსხილაძემ, რომელიც თავად ესწრებოდა სხდომას:
,,პრეზიდენტი ისჯება!
მე უბრალოდ ერთი რამ მიკვირს, როდესაც პრეზიდენტს სიტყვა აქვს სათქმელი და ეს არავინ არ იცის რა უნდა თქვას, რა მოხსენება უნდა გააკეთოს, ამაზე იყო ორ საათიანი მსჯელობა.
მართლა გაკვირვებული ვარ, რომ რატომ შეიძლებოდა ეს გამოეწვია?! იქნებ რა აქვს პრეზიდენტს სათქმელი თავის მოხსენებაში? და რა უნდა თქვას – ეს იცის მარტო პრეზიდენტმა და მისი გადასაწყვეტია.
რაც შეეხება თარიღს, განგიმარტავთ – რახან საგაზაფხულო სესიაზე შეუძლია პირველივე მოწვევაზე გამოვიდეს – თარიღის შეთანხმება არის ტექნიკური საკითხი, რასაც ირჩევს პრეზიდენტი“, – განაცხადა გიორგი მსხილაძემ.