“მივმართავ საქართველოს მოქალაქეებს, ხელი მოვაწეროთ პეტიციას, რომელიც ითხოვს ნატოს მხრიდან უკრაინის საჰაერო სივრცის ჩაკეტვას და უკრაინის ტერიტორიაზე ნატოს მშვიდობის მყოფელების განლაგებას” – გიორგი ვაშაძე

უკრაინაში მიმდინარე საომარი მოქმედებების ფონზე იქმნება პეტიცია, რომელიც ითხოვს ნატოს მხრიდან უკრაინის საჰაერო სივრცის ჩაკეტვას. აღნიშნულთან დაკავშირებით კიევში მყოფი “სტრატეგია აღმაშენებლის” თავმჯდომარე გიორგი ვაშაძე საგანგებო მიმართვას ავრცელებს. ვაშაძე სააართველოს მოქალაქეებს პეტიციაზე ხელმოწერისკენ მოუწოდებს

“მივმართავ საქართველოს მოქალაქეებს, ხელი მოვაწეროთ პეტიციას, რომელიც ითხოვს ნატოს მხრიდან უკრაინის საჰაერო სივრცის ჩაკეტვას და უკრაინის ტერიტორიაზე ნატოს მშვიდობის მყოფელების განლაგებას. ეს ნიშნავს, რომ პუტინის ვერც ერთი სამხედრო ხომალდი ვეღარ დაარღვევს უკრაინის საჰაერო სივრცეს, რომელიც დაცული იქნება ნატოს საჰაერო ძალების მიერ.

მსგავსი მხარდაჭერა არის მნიშვნელოვანი ერთ-ერთი ბერკეტი, რითაც ჩვენ შეგვიძლია დავეხმაროთ უკრაინას გაიმარჯვოს რუსულ ტოტალიტარიზმზე. კიდევ ერთხელ მოგიწოდებთ და გთხოვთ, შეუერთდით პეტიციას ჩვენი მეგობარი ქვეყნის, ჩვენი უკრაინელი დებისა და ძმების მხარდასაჭერად” – აცხადებს გიორგი ვაშაძე.

გადასვლა პეტიციაზე – NATO-ს მხრიდან უკრაინის საჰაერო სივრცის ჩაკეტვა

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს