“ჩვენი ერთიანობა უნდა ვაჩვენოთ აბსოლუტურად ყველას” – გიორგი ვაშაძე

,,სტრატეგია აღმაშენებლის“ თავმჯდომარე გიორგი ვაშაძე უკრაინიდან მორიგი “Live”-ჩართვისას შეფასებებს აკეთებს მიმდინარე პროცესებთან დაკავშირებით. ოპოზიციონერი ლიდერი მიესალმება თბილისში გამართულ უკრაინის მხარდამჭერ აქციებს და აღნიშნავს, რომ ერთიანობის დემონსტრირება მნიშვნელოვანია:

,,გუშინდელი დღე ძალიან მნიშნელოვანი იყო. თქვენც ხედავთ, რომ ძალიან დიდი დანაკარგი აქვს რუსულ ჯარებს. უკრაინაში არის მაქსიმალური მობილიზება. რაც ყველაზე მნიშნელოვანია, უკრაინაში არის ძალიან მაგარი საბრძოლო განწყობა, მოხალისეთა რიგებია სამხედრო კომისარიატთან.

ყველამ იცის, რომ ძალიან ბევრი ადამიანი შეიკრიბა საქართველოში და მაგრები ხართ, დიდი მადლობა. ჩვენი ერთიანობა უნდა ვაჩვენოთ აბსოლუტურად ყველას.

აუცილებლად გავიმარჯვებთ! გუშინ ისეთი მაგარი დღე იყო და ისეთ კარგ შედეგებზე გავიდა უკრაინული ჯარი – დესანტი გაანადგურეს, ძალიან დიდი დანაკარგი აქვს რუსულ ჯარს.

ახლა ამბობენ, რომ ყველა ძალებს ისვრიან კიევისკენ იმისთვის, რომ როგორმე ზელენსკი ჩაიგდონ ტყვედ, მაგრამ არც ერთ შემთხვევაში არ მგონია, რომ გამოუვიდეთ!“, – განაცხადა გიორგი ვაშაძემ.

ავტორი
ნინი ხიჯაკაძე