“პუტინმა კიდევ ერთხელ დეკლარირებულად თქვა, რომ იგი არის ეგომანიაკი, რომელიც საფრთხეს უქმნის არა მხოლოდ რეგიონს, არამედ მსოფლიო სტაბილურობას” – ხატია დეკანოიძე

ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარე ხატია დეკანოიძე პოლიტიკურ შეფასებას აკეთებს პუტინის მიერ გუშინ გაკეთებულ განცხადებაზე და აცხადებს, რომ ამ ფონზე აუცილებელია საქართველოს საკითხი წამოიწიოს უკრაინის საკითხთან მიმართებაში:

,,საქართველოს ოკუპაცია მოხდა რუსეთის მიერ 2008 წელს ზუსტად ისე, როგორც ეს წუხელ პუტინმა მოახდინა უკრაინაში. ჩვენ საპასუხოდ ვხედავთ მხოლოდ საქართველოს ხელისუფლების ძალიან პასიურ მოქმედებას.

მათ შორის, ღარიბაშვილს ჰქონდა შანსი მიუნხენში შეხვედროდა მსოფლიო ლიდერებს. სამწუხაროდ, ეს შესაძლებლობა და შანსი მან ვერ გამოიყენა, მაგრამ ახლა ყველა ძალისხმევა უნდა იყოს მიმართული იქით, რომ რეალურად საქართველოს საკითხი კვლავ წამოიწიოს უკრაინის საკითხთან მიმართებაში.

პუტინმა კიდევ ერთხელ დეკლარირებულად თქვა, რომ იგი არის ეგომანიაკი, რომელიც საფრთხეს უქმნის არა მხოლოდ რეგიონს, არამედ მსოფლიო სტაბილურობას“, – განაცხადა ხატია დეკანოიძემ.

ავტორი
ნინი ხიჯაკაძე