ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარე ხატია დეკანოიძე კომენტარს აკეთებს შუალედურ არჩევნებთან დაკავშირებით და აცხადებს, რომ პარტია რუსთავში ჩასატარებელ შუალედურ არჩევნებში მხარს დაუჭერს ,,ლელოს საქართველოსთვის“ გენერალურ მდივანს ბადრი ჯაფარიძეს:
,,რაც მოხდა, ეს იყო მანდატის პოლიტიკური ქურდობა იმისთვის, რომ პარლამენტში ოპოზიცია არ იყოს ძლიერად წარმოდგენილი და არ გვქონდეს ჩვენ იმის შესაძლებლობა, რომ საგამოძიებო კომისიები შევქმნათ. ამიტომ ბრძოლის ეს ფაზა, რომელიც არის საკმაოდ რთული, მათ შორის, შუალედური არჩევნები, თავისი ხასიათიდან გამომდინარე, არის ძალიან პრინციპული, ძალიან მნიშვნელოვანი გადაწყვეტილება, რა თქმა უნდა, ბატონი ბადრის მხრიდან.
რაც შეეხება მის მხარდაჭერას რუსთავში მოგახსენებთ, რომ ჩვენ განვიხილეთ ეს საკითხი – ,,ნაციონალური მოძრაობა“ არ დააყენებს კანდიდატს და მხარს დაუჭერს ბატონ ბადრი ჯაფარიძეს რუსთავში.
ჩვენ ვიზიარებთ იმას, რომ ეს უნდა იყოს საერთო პლატფორმა, ერთიანი ძალისხმევა, ასევე ვიაზრებთ იმასაც, რომ ძალიან რთული ბრძოლა იქნება იმიტომ, რომ ხელისუფლება მთელი რესურსის მობილიზაციას შეეცდება, მაგრამ ნამდვილად დასაფასებელია ბატონი ბადრის ეს გადაწყვეტილება. ერთობლივი ძალისხმევით გავაკეთებთ მაქსიმალურს“, – განაცხადა ხატია დეკანოიძემ.
ავტორი
ნინი ხიჯაკაძე
