ადოკატი ბექა ბასილია კონკრეტულ განმარტებებს აკეთებს საქართველოს მე-3 პრეზიდენტის საქმესთან დაკავშირებით. მისი განცხადებით, მიხეილ სააკაშვილი უკრაინის პროკურატურამ დაზარალებულად გამოაცხადა:
,,ამ დრომდე მიხეილ სააკაშვილს არ ეძლევა შესაძლებლობა შეხვდეს პირად ექიმს, კონსილიუმის ექიმებს არ ეძლევა შესაძლებლობა, რომ შეხვდნენ მიხეილ სააკაშვილს. შესაბამისად ეს, ბუნებრივია, არის მისი, როგორც პაციენტის, უფლებების არსებითი დარღვევა.
რამდენადაც ვიცი, ამ დრომდე ჩვენ ობიექტური ალტერნატიული კონსილიუმებისგან და ასევე, პირადი ექიმისგან წინა პერიოდებში, თუ რამდენად მძიმე და რთული იყო მისი ჯანმრთელობის მდგომარეობა. ყოველდღიურად მისი მონახულების შემდეგ ამასთან დაკავშირებით ჩვენ საზოგადოებას ვაწვდით ინფორმაციას. მისი ჯანმრთელობის მდგომარეობა, რა თქმა უნდა, სამწუხაროდ, არასათანადოდ და არაადეკვატური მკურნალობის ფარგლებში არ უმჯობესდება.
ამავდროულად უნდა ითქვას, რომ ბიძინა ივანიშვილის პოლიტიკური მძევალი მიხეილ სააკაშვილი, უკრაინის პროკურატურამ სცნო დაზარალებულად, რაც ნიშნავს, რომ საქართველოს პენიტენციურ სისტემაში მის წინააღმდეგ ჩადენილი დანაშაულები ყოველგვარ სამართლებრივ, მორალურ საფუძველს აცლის ხელისუფლებას, რომ მიხეილ სააკაშვილი ამ დრომდე დატოვოს პენიტენციურ დაწესებულებაში. მით უმეტეს იმ ფონზე, როდესაც ჩვენ ვიცით, რომ მის წინააღმდეგ საქმეები არის შეკერილი.
ის განაჩენები არის ყალბი და ამის ძალიან მკაფიო დასტური იყო შემთხვევა, როდესაც სახელმწიფო დაცვის სპეციალური სამსახურის უფროსმა, ერთ-ერთმა უმაღლესი თანამდებონის პირმა, მის საქმეზე სიმართლის თქმაზე, მართალი ჩვენების მიცემაზე უარი განაცხადა და თქვა, რომ მე სასამართლო პროცესზე ჩვენებას არ მივცემ.
ეს არის გაუგონარი რამ და ამან ფარდა ახადა იმ პოლიტიკურ, აღვირახსნილ პოლიტიკურ დევნას, რასაც მიხეილ სააკაშვილის წინააღმდეგ ახორციელებს ,,ქართული ოცნების“, ბიძინა ივანიშვილის ხელისუფლება“, – განაცხადა ბექა ბასილაიამ.
ავტორი
ნინი ხიჯაკაძე
