“ჩვენი და მთლიანად საერთაშორისო თანამეგობრობის მთავარი ამოცანა უნდა ყოფილიყო უკრაინაში ომის არ დაშვება!” – ირაკლი კობახიძე

პარტია ,,ქართული ოცნება – დემოკრატიული საქართველოს“ თავმჯდომარე ირაკლი კობახიძე კომენტარს აკეთებს უკრაინაში მოსალოდნელი ომის საფრთხის შესახებ და აცხადებს, რომ მიმდინარე მოვლენებზე ხორციელდება დაკვირვება, ხოლო საჭიროების შემთხვევაში მიღებული იქნება დამატებითი ზომები:

,,ჩვენი და მთლიანად საერთაშორისო თანამეგობრობის მთავარი ამოცანა უნდა ყოფილიყო უკრაინაში ომის არ დაშვება. სამწუხაროდ, ტენდენციები არ არის მაინც და მაინც კარგი. ჩვენ მაინც ვიტოვებთ იმედს, რომ ომი არ დაიწყება, თუმცა რისკები არის საკმაოდ მაღალი.

რაც შეეხება ჩვენს პოზიციას მოქალაქეებთან დაკავშირებით, რა თქმა უნდა, ყველაფერი გაკეთდება იმისათვის, რომ თითოეული მოქალაქის უსაფრთხოება იყოს დაცული.

საგარეო საქმეთა სამინისტრომ გაავრცელა განცხადება მოსალოდნელ საფრთეებთან დაკავშირებით. ჩვენ ყოველდღიურად დავაკვირდებით მოვლენებს და რა თქმა უნდა, ამ დაკვირვების საფუძველზე დამატებით ზომებს მივიღებთ“, – განაცხადა ირაკლი კობახიძემ.

ავტორი
ნინი ხიჯაკაძე