,,სტრატეგია აღმაშენებლის” გენერალური მდივანი, საქართველოს პარლამენტის წევრი პაატა მანჯგალაძე ტელეკომპანია ,,პირველის” გადაცემაში ,,დღის ამბებში” პოლიტიკურ შეფასებას ახდენს ქვეყანაში არსებულ ვითარებასთან დაკავშირებით და საუბრობს გამოსავლის გზებზე:
,,ქართული ოცნება“ და ბიძინა ივანიშვილი მოსვლის დღიდან მიზანმიმართულად ნერგავს ისეთ აზრს საზოგადოებაში, რომ ოპოზიცია და პოლიტიკოსები, ზოგადად, უარგისია. მათ შორის, ჩემებიც უარგისები არიან, მაგრამ განსაკუთრებით უარგისია ოპოზიცია.
ეს არის მათი მთავარი სტრატეგია იმიტომ, რომ საზოგადოებაში ნიჰილიზმი დათესოს, უიმედობა – რომ მაინც არაფერი არ გვეშველება, არ შეიცვლება. გამოსავალი რა არის! არჩევნები მოდის, თუ არაფერი არ იცვლება მაინც და ამის რწმენა მაქვს დაკარგული – მოდი ავიღებ იმ სიკეთეს, რასაც მთავაზობს ,,ქართული ოცნება“ მოსყიდვის, თანამდებობაზე დანიშვნის სახით. ანუ გააუფასურა ეს ყველაფერი ბიძინა ივანიშვილმა.
ვის სჯერა დღეს, რომ პრემიერ-მინისტრი ნამდვილად არის პრემიერ-მინისტრი ღარიბაშვილი – პირველი პირი და ის იღებს გადაწყვეტილებებს?! ან პარლამენტის თავმჯდომარე?!
ყველა შეგუებული ვართ თითქოს ნორმა არის, რომ ძალაუფლების ცენტრი კონსტიტუციაში კი არ არის, არამედ მის მიღმა არის ეს ყველაფერი გატანილი. ამას შევეგუეთ ჩვენ პოლიტიკოსები, ჟურნალისტები – ეს არის რეალობა!
თუ შეთანხმებას აზრი არ აქვს ,,ქართულ ოცნებასთან“, თუ ყველაფერში გვაგდებენ, აქციაზეც ხალხი ყოველთვის ვერ გამოვა – გადარჩენის ამოცანა აქვს და100 ათასი ადამიანი ვერ დადგება ყოველდღიურად ქუჩაში. რა უნდა იყოს გამოსავალი?
გამოსავალი არის! პოლიტიკოსებმა რაც უნდა გავაკეთოთ, ხალხს რაც აქვს პრობელმა – ხომ არსებობს კონკრეტული ჯგუფები, მაგალითად – პენსიონრები. მათ პრობლემა აქვთ ბევრი – ამ პრობლემის აქტუალიზება უნდა მოვახერხოთ, შეთანხმება და ამაზე ერთიანად უნდა დავათმობინოთ ეს საკითხი ოპოზიციამ ხელისუფლებას. რწმენა გაიზრდება, რომ ნახავს ზრუნავ ადამიანზე და მარტო პოლიტიკური დღის წესრიგით არ ხარ.
ჩვენ ვაკეთებთ ამას, მაგრამ თუ უფრო დიდი კონსესუსი იქნება ოპოზიციურ პარტიებს შორის, მაშინ ხალხის თანამდგომა იქნება ადეკვატური. პოლიტიკოსი ხალხის გარეშე არის უჯარო გენერალი – ვერაფერს ვერ შეცვლი. ხელისუფლება ყველაფერს აკეთებენ მიზანმიმართულად, რომ ნდობა დაიკარგოს საზოგადოებაში. ასევე არის პრობლემა წამალზე. ეს უნდა გახდეს ყოველდღიურობა ოპოზიციური ცხოვრების. ხალხი შემოვა ნდობაში და ასე შევცვლით“, – განაცხადა პაატა მანჯგალაძემ.
ავტორი
ნინი ხიჯაკაძე
