პარტია “სტრატეგია აღმაშენებლის” თავმჯდომარე, გიორგი ვაშაძე კიდევ ერთხელ ამახვილებს ყურადღებას საპენსიო სესხებთან დაკავშირებით და ამჯერად ტელეკომპანია “რუსთავი 2”-ის ეთერში, გადაცემაში “ღამის კურიერი”, კონკრეტულ შეფასებებს აკეთებს. ამასთან, ოპოზიციონერი ლიდერი, პრემიერს შეახსენებს მისი მხრიდან გაკეთებულ შეთავაზებებს:
“საპენსიო სესხების საკითხი გვინდა ბოლომდე მივიყვანოთ, მოჭამა დრო ამ საკითხმა. ამ დროს, რაღაც გიენებივით შემოგვასია “ლიბერთი ბანკმა”, ეჭვი გვაქვს, მათთან აფილირებული ადამიანები და აცხადებენ, რომ თურმე მონოპოლია, რომელის ამ ბანკს აქვს, კარგია. ჩვენ კი ვამბობთ, რომ პენსიონერს მივცეთ თავისუფალი არჩევანის საშუალება და ავტომატურად დაიწევს სესხის პროცენტი – მარტივი საკითხია. კომისიაშიც შევედით და დღესაც მზად ვარ, ოღონდ დაინიშნოს კომისიის სხდომა პრემიერთან, მივიდეთ და ავხსნათ. სამწუხაროდ, ჯერჯერობით, არაა გამოხმაურება, 2 კვირაა ველოდები.
რატომ ვსაუბრობ ამაზე? გულწრფელად მინდა, რომ სამუშაო მოდუსი შევცვალოთ. ხომ არის რაღაც პოლიტიკური თემები, რაშიც ვერ ვთანხმდებით, მაგრამ როცა პრემიერი ამბობს რომ კონკრეტულ საკითხებთან მიმართებაში არის მზად თანამშრომლობისთვის, მეც და ჩვენი გუნდიც მზად ვართ, გვაქვს კონკრეტული ინიციატივები. როცა უნდა, სადაც უნდა მზად ვარ დაველაპარაკო, გაწერილ გეგმას მივიტან, რასთან მიმართებაშიც შეიძლება არც ჰქონდეთ რაიმე საწინააღმდეო,” – აცხადებს გიორგი ვაშაძე.
ინფორმაციისთვის: გიორგი ვაშაძის აქტივობები საპენსიო სესხებთან მიმართებაში და ამ მხრივ იყო როგორც 2020 წელს, ასევე გასულ წელს, როდესაც მონოპოლიების წინააღმდეგ მწვავე პოზიციას აფიქსირებდა:
