“თუკი არ დადიხარ და არ ასრულებ იმ მანდატს, რომელიც ქვეყანამ, სახელმწიფომ, ამომრჩეველმა მოგანიჭა, შენ არ უნდა იყო პარლამენტში” – გიორგი ვოლსკი

ცალკეული დეპუტატებისთვის უფლებამოსილების შეწყვეტასთან დაკავშირებით პარლამენტში დაწყებულ განხილვებს ეხმაურება საკანონმდებლო ორგანოს პირველი ვიცე-სპიკერი გიორგი ვოლსკი და კონკრეტული შედარებითი მაგალითები მოჰყავს:

“არის რეგლამენტი და იგი ძალიან სამართლიანია, რომლის წინააღმდეგ ვერავინ ვერ გამოვა მსოფლიოში. არსებობს რეგლამენტი, რომელი ითხოვს შემდეგ: თუკი არ დადიხარ და არ ასრულებ იმ მანდატს, რომელიც ქვეყანამ, სახელმწიფომ, ამომრჩეველმა მოგანიჭა, შენ არ უნდა იყო პარლამენტში. და არამარტო პარლამენტი, ნებისმიერ ადგილას, თუნდაც ჟურნალისტიკაში. თუკი ჟურნალისტს აგზავნიან ინტერვიუს ასაღებად და იგი არ მიდის, არ აკეთებს არაფერს, თან თვეების განმავლობაში პროცესში არ იღებს მონაწილეობას, რასაკვირველია მას დაითხოვენ სამსახურიდან” – აცხადებს გიორგი ვოლსკი.