“საჭიროა ძალიან დიდი საპროტესტო ტალღა, რომელიც შეძლებს ამ რეჟიმს დაათმობინოს ძალაუფლება და შეიცვალოს ქვეყანაში ვითარება” – ეკა ხერხეულიძე

,,ერთიანი ნაციონალური მოძრაობის“ პოლიტიკური საბჭოს წევრი ეკა ხერხეულიძე საქართველოს მე-3 პრეზიდენტის მონახულების შემდეგ კონკრეტულ განმარტებებს აკეთებს მედიასთან. ოპოზიციონერი ლიდერის განცხადებით, მიხეილ სააკაშვილი თავის გადასახედიდან ყველაფერს აკეთებს იმისთვის, რომ არსებული პრობლემები დაიძლიოს, თუმცა ფიქრობს, რომ შედეგის მისაღებად საჭიროა დიდი საპროტესტო ტალღა:

,,ჯანმრთელობის მდგომარეობის კუთხით არაფერი შეცვლილა. იგივეა, როგორც იყო. იმიტომ, რომ იქ არ ყოფილა ექიმი და ახალი არაფერი არ გვეცოდინება. მისი ჩივილები რჩება ძალაში, მაგრამ დახმარება არსაიდან არ ისმის.

ვისაუბრეთ კონკრეტული კორუფციული ფაქტების შესახებ. ის ეძებს ამ ვითარებიდან გამოსვლის გზებს. ის თანამშრომლობს ყველა ორგანიზაციასთან, რომლებიც შეეცდებიან, აქედან დაძლიოს ქვეყანამ პრობლემები, გადაიჭრას ისე საკითხები, რომ ნაკლები დარტყმით და ტკივილის, ზიანის გარეშე გამოვიდეს ხალხი.

თავის გადასახედიდან ყველაფერს აკეთებს იმისთვის, რომ ეს პრობლემები დაიძლიოს, მაგრამ გზები ყოველი შემთხვევისთვის, ჯერ-ჯერობით ხელშესახები არ ჩანს. ამას სჭირდება ძალიან დიდი საპროტესტო ტალღა, რომელიც შეძლებს ამ რეჟიმს დაათმობინოს ძალაუფლება და შეიცვალოს ქვეყანაში ვითარება“, – განაცხადა ეკა ხერხეულიძემ.

ავტორი
ნინი ხიჯაკაძე