“ქართულ ოცნებას“ რეზოლუციაში რუსეთის ოკუპაციის ხსენება ეშინია, რუსეთის არხსენება არის სიმხდალე – პაატა მანჯგალაძე

,,სტრატეგია აღმაშენებლის“ გენერალური მდივანი, პარლამენტის წევრი პაატა მანჯგალაძე მწვავე, კრიტიკულ შეფასებას აკეთებს მმართველი პარტიის მიმართ და აცხადებს, რომ ,,ქართულ ოცნებას“ ეშინია რეზოლუციაში რუსეთის ოკუპაციის ხსენება, რომელსაც აღიარებს ყველა ცივილიზებული სამყარო

,,რუსეთის არხსენება რეზოლუციის ტექსტში არის სიმხდალე, რომელიც უნდა მოგვყიდონ ჩვენ და ცივილიზებულ მსოფლიოს, თითქოს პრაგმატული და რაციონალურია ეს.

ის, რომ საქართველოს ხელისუფლებას 21-ე საუკუნეში ეშინია ოკუპაციის ხსენება და ოკუპანტად რუსეთის ხსენება – ეს არის ძალიან სამარცხვინო და ამის შემდეგ მართლაც არ აქვთ უფლება დიდაქტიკური ტონით ელაპარაკონ საქართველოს მოსახლეობას!

,,ქართულ ოცნებას“ ეშინია რეზოლუციაში რუსეთის ოკუპაციის ხსენება, რომელსაც აღიარებს ყველა ცივილიზებული სამყარო, 3-4 სახელმწიფოს თუ ორგანიზაციის გარდა – ჰამასის, ვენესუელასა თუ ნიკარაგუას გარდა“, – განაცხადა პაატა მანჯგალაძემ.

ავტორი
ნინი ხიჯაკაძე