პარტია ,,სტრატეგია აღმაშენებლის” პოლიტსაბჭოს წევრი, ჯანდაცვის მიმართულების ხელმძღვანელი სერგო ჩიხლაძე კრიტიკულ შეფასებას აკეთებს ჯანდაცვის მინისტრის, ზურაბ აზარაშვილის განმარტებაზე, რომ ,,ომიკრონი” სეზონური გრიპია:
,,მთელი ჩვენი ცხოვრება ვიბრძვით, რომ თვითმკურნალობით არ უნდა ვიყოთ დაკავებული. მინისტრი კი გამოდის და – ტელევიზორით რეკლამას განახებთო ოჯახის პირობებში თქვენ თვითონ როგორ იმკურნალოთო.
მას რომ კომპეტენცია არ აქვს, პროფესიონალი არ არის გასაგებია, მაგრამ მრჩევლად მაინც აიყვანოს ან დაუნიშნონ ვინმე – სად წაიკითხა, რომ კორონავირუსი სეზონურ გრიპად გადაკეთდა?! მან იცის საერთოდ სეზონური გრიპი რა არის?! ანუ მარტო იანვარი, თებერვალი, მარტში – გვექნება კოვიდის შემოტევა და სხვა სეზონზე აღარ იქნებაა?!”, – განაცხადა სერგო ჩიხლაძემ.
ავტორი
ნინი ხიჯაკაძე
