ქვეყანაში არსებულ მძიმე კრიმონოგენულ მდგომარეობაზე საუბრობს, სოციალურ ქსელში გამოქვეყნებულ ემოციურ პოსტში, პარტია “კანონი და სამართლის” თავმჯდომარე, თაკო ჩარკვიანი და სამართალდამცავ უწყებას მიმართავს:
“შინაგან საქმეთა სამინისტროვ, ეს რა ხდება და რა მესმის?! გომელაურო!
უი პირდაპირ ოჯახში შემოვარდით – მოხვედით ხელისუფლებავ?! აბა როგორ ხდება?!
მკვლელთა ბანდები დაძრწიან რუსულ საიტებზე ვიდეოებს ანთავსებენ ადამიანების წამების, (ათიათასობით ნახვა აქვს ამ ტიპის ვიდეოებს) მათ აწამებენ, ვინც ამ “თქვენი ბიჭების ” წესებს არ ემორჩილება და ეს არ იცით???
ანუ ზურგს უმაგრებთ პოლიციით, მანიაკ სუს-ით ზურგგამაგრებულ “ბიჭუნებს”??? ანუ კანონი არ არის, არ არსებობს და ოჯახი უნდა დავიცვათ ჩვენ თავად?! ანუ 90-იანებია???
ჰოოოოო, ეგ ჩვენ გ ა მ ო ვ ი ა რ ე თ!!!” – წერს ფეისბუქის პირად გვერდზე თაკო ჩარკვიანი.
ინფორმაციისთვის: თაკო ჩარკვიანი საუბრობს გუშინ, ტვ “პირველის” ეთერში, გადაცემა “ნოდარ მელაძის შაბათში” გასულ რეპორტაჟზე, სადაც ნაჩვენები იყო ფიზიკური ანგარიშსწორების, კრიმინალური გარჩევების ამსახველი ვიდეომასალა, მძიმე ფაქტები, რომელიც მანამდე, რამდენიმე დღის წინ, “ტელეგრამ არხზე” გავრცელდა. როგორც გადაცემაში იყო განმარტებული, თბილისში არსებობს 22-25 წლის ახალგაზრდებისგან შემდგარი ე.წ. განგსტერების დაჯგუფება, რომლებიც კონკრეტული მიზნებიდან გამომდინარე ფიზიკურად უსწორდებიან სხვადასხვა ადამიანს და ერთ-ერთი ინფორმაციით, ისინი ფიზიკურად გაუსწორდნენ ცნობილი მომღერლის მამუკა ჩარკვიანის შვილს.
