,,სტრატეგია აღმაშენებლის” პოლიტიკური საბჭოს წევრი სერგო ჩიხლაძე გაკვირვებას გამოხატავს პარლამენტის თავმჯდომარის, შალვა პაპუაშვილის გადაწყვეტილებასთან დაკავშირებით, რომ მოუცლელობის გამო იგი ვერ შეხვდება ევროპარლამენტარებს. ოპოზიციონერ ლიდერს მიაჩნია, რომ მმართველი პარტიის ერთ-ერთი ლიდერის ასეთი პოზიცია იმის დასტურია, რომ ,,ქართულ ოცნებას” არ აინტერესებს საქართველოს ევრო-ატლანტიკური ინტეგრაცია:
,,ეს არის პირდაპირ ანტიდასავლური გზავნილი ჩვენი პარტნიორებისადმი, საზოგადოებისადმი.
წარმოუდგენელია, რა საქმე აქვს ბატონ პაპუაშვილს ისეთი, რომ ვერ ხვდება და არ ხვდება ევროპარლამენტარებს, რომ არ იმსჯელებს ჩვენს ევროატლანტიკურ ინტეგრაციაზე, მით უმეტეს ისეთ პირობებში, როდესაც რეგიონში უკიდურესად გამწვავებულია ვითარება?!
ეს არის კიდევ ერთი დასტური, რომ საქართველოს ამჟამინდელ ხელისუფლებას, ,,ქართულ ოცნებას” არ აინტერესებს საქართველოს ევროპული და ევროატლანტიკური ინტეგრაცია”, – განაცხადა სერგო ჩიხლაძემ.
ავტორი
ნინი ხიჯაკაძე
