რუსეთის დიპლომატიის 2021 წლის საქმიანობის შედეგებთან დაკავშირებით გამართულ პრეს-კონფერენციაზე, მასმედიიდან შესული შეკითხვებიდან, ერთი-ერთი ეხებოდა რუსეთ-საქართველოს შორის შეწყვეტილ საჰაერო მიმოსვლას, რაზეც განმარტებები გააკეთა რუსეთის საგარეო საქმეთა სამინისტრომ:
“საჯარო კომენტარებში არაერთხელ შევეხეთ ამ თემას. რუსული ავიაკომპანიებისთვის, რუსეთიდან საქართველოში, რუსეთის მოქალაქეების საჰაერო გადაყვანაზე დაწესებული აკრძალვა დროებითია ზომაა და არაერთხელ განვსაზღვრეთ მისი გაუქმების პირობები. ისინი კარგადაა ცნობილი ქართული მხარისთვის. საუბარია საქართველოში არსებული ვითარების სტაბილიზაციაზე, რუსოფობიური კამპანიის შეჩერებასა და ჩვენი მოქალაქეებისთვის საფრთხეების თავიდან აცილება. ასევე გასათვალისწინებელია სანიტარიულ-ეპიდემიოლოგიური მდგომარეობა.
რუსეთი იძულებული გახდა წასულიყო აღნიშნული შეზღუდვებზე, რეაგირება მოხდა ქართველი რადიკალების ცნობილი პროვოკაციის საპასუხოდ. ამასთან, ჩვენ რუსეთ-საქართველოს ურთიერთობების ნორმალიზების, არსებული უთანხმოების დაძლევის, ორმხრივი კავშირების აღდგენისა და განვითარების ერთგულები ვრჩებით – ეს ყველაფერი ჩვენი ქვეყნების ხალხების ინტერესებში შედის. თუმცა, ასეთი პროცესი ორმხრივი უნდა იყოს. დიდი იმედი გვაქვს, რომ საქართველოს ხელისუფლება წარსულის გაკვეთილებიდან დასკვნებს გამოიტანს და რუსეთის მიმართ უფრო გაწონასწორებულ პოლიტიკას განახორციელებს“, – ნათქვამია რუსეთის საგარეო უწყების პასუხში.
