“ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა ყოფილ სანატორიუმ “ქართლში” დატრიალებულ ტრაგედიას, დევნილის ტრაგიკული გარდაცვალების ფაქტს ეხმაურება:
“რას ველოდებით, სანამ უსამართლობით დაჩაგრული და ძალმომრეობით დათგრგუნული, პროტესტის გამო შეურაცხყოფილი ადამიანები, საკუთარი უსუსურობისგან განადგურებულები, სათითაოდ თავებს არ დაიხოცავენ?!
ასე ძნელი გასაგებია, რომ სოლიდარობის გარეშე ამ ჯოჯოხეთურ ყოფას თავს ვერ დავაღწევთ?!
არც გაბედოთ პოლიტიკოსების ხსენება, საკუთარი უნამუსობის და უგულობის ალიბად რომ იყენებთ მათ ავ-კარგიანობას, განსაკუთრებით იმათმა, ჰუმანისტობაზე რომ პრეტენზიებს აცხადებთ!” – წერს ფეისბუქის პირად გვერდზე ლელა ჯეჯელავა.
ინფორმაციისთვის: ყოფილ სანატორიუმ „ქართლში“, სადაც დევნილები ცხოვრობენ, შენობის განსაკუთრებით საშიში ავარიული მდგომარეობის გამო საპროტესტო აქციები მოაწყვეს და ხელისუფლებისგან საცხოვრებელი ბინებით დაკმაყოფილება მოითხოვეს. დღეს კი ტრაგიკული ფაქტის მოწმე გავხდით – გავრცელებული ინფორმაციით, აფხაზეთიდან იძულებით დევნილმა სიცოცხლე თვითმკვლელობით დაასრულა.
