გარემოსდაცვითი ზედამხედველობის დეპარტამენტის ინფორმაციით გამოვლენილია უკანონო ნადირობისა და თევზჭერის ფაქები:
სამცხე-ჯავახეთის რეგიონული სამმართველოს თანამშრომლებმა უკანონო ნადირობის 2 ფაქტი გამოავლინეს, კერძოდ ახალციხისა და ასპინძის მუნიციპალიტეტებში მოქალაქეები „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით გათვალისწინებული გარემოდან გადამფრენი ფრინველების ამოღებაზე დაწესებული მოსაკრებელის გადახდის დამადასტურებელი დოკუმენტებისა და საქართველოს შინაგან საქმეთა სამინისტროს შესაბამისი ორგანოს მიერ გაცემული შესაბამისი სანადირო თოფის შენახვისა და ტარების უფლების დამადასტურებელი დოკუმენტების გარეშე ნადირობდნენ.
სანადირო იარაღები დაილუქა. შედგა შესაბამისი ოქმები.
ხოლო გარემოსდაცვითი ზედამხედველობის დეპარტამენტის ქვემო ქართლის რეგიონული სამმართველოს თანამშრომლებმა უკანონო თევზჭერის 2 ფაქტი გამოავლინეს, კერძოდ გარდაბნის მუნიციპალიტეტში, მდინარე მტკვარზე მოქალაქეები რეზინის გასაბერი ნავებიდან ხელნაკეთი ასაფეთქებელი ნივთიერების გამოყენებით ახდენენ უკანონო თევზჭერას და 15 კგ. სხვადასხვა სახეობის თევზი ჰქონდათ მოპოვებული.
შედგა ადმინისტრაციული სამართალდარღვევის ოქმები, ნავები და უკანონოდ მოპოვებული თევზი დაილუქა.
