“გულწრფელობა ყველაზე კარგი იარაღია და ვთქვათ…” – ხატია დეკანოიძე ოპოზიციის წარმატების სტრატეგიაზე

“ერთიანი ნაციონალური მოძრაობის” პოლიტსაბჭოს წევრი ხატია დეკანოიძე კონკრეტულ  სამოქმედო გეგმასა და სტრატეგიაზე საუბრობს, რაც, მისი აზრით, ოპოზიციას წარმატებას მოუტანს:

“ხშირად გვეკითხებიან რა არის გეგმა.

მზა რეცეპტი ნამდვილად არ არსებობს, გარდა ადამიანებზე ორიენტირებული პოლიტიკური საქმიანობისა. გულწრფელობა ყველაზე კარგი იარაღია და ვთქვათ:

– პოლიტიკურ მართლმსაჯულებაზე და პრეზიდენტის პატიმრობაზე საერთაშორისო ზეწოლის გაძლიერებას;

– ამომრჩეველთან მუშაობა (არა მხოლოდ წინასაარჩევნოდ ორი თვით ადრე) მუდმივად;

– საერთაშორისო პარტნიორებთან მუშაობა;

– საკრებულოებში ადამიანებისთვის ბრძოლა;

– პარლამენტში მაქსიმალურ თანხმობა ოპოზიციასთან, საგამოძიებო კომისიები და ევრორეფორმების პაკეტის შემუშავება, რაზეც მალე დავიწყებთ კონსულტაციებს;

– პროდასავლური ოპოზიციის ერთობა საერთო ინტერესების გარშემო.

აქციები და პროტესტი უნდა იყოს მუდმივი, მაგრამ აქვე ისიც არის, რომ როცა ოპოზიცია და მთავარი ოპოზიციური პარტია პროტესტზე იკრიბება – ეს აქცია მძლავრი უნდა იყოს.

გულწრფელად ვთქვათ – ხელისუფლებას მიმდინარე აქციები არ აშინებს.
და მთავარი: სანამ ადამიანი არ იგრძნობს, რომ პოლიტიკოსი მასზე ზრუნავს – რეჟიმთან ბრძოლაში საკმარისი მოკავშირეები არ გვეყოლება.

ალტერნატივას უნდა ხედავდნენ ოპოზიციაში საქართველოს მოქალაქეებიც და ჩვენი პარტნიორებიც.

ეს მიმაჩნია სტრატეგიად“, – წერს ხატია დეკანოიძე ფეისბუქის პირად გვერდზე.