ყაზახეთში 10 იანვარი საერთოეროვნული გლოვის დღედაა გამოცხადებული.
ქვეყნის ჯანდაცვის სამინისტრო ინფორმაციით, ქვეყანაში ბოლო დღეების განმავლობაში განვითარებული მოვლენების შედეგად სულ 164 ადამიანი დაიღუპა. გარდაცვლილთა შორის სამი ბავშვია.
შეგახსენებთ, რომ ყაზახეთში პერმანენტული მიტინგები 2 იანვარს დაიწყო, რისი პროვოცირებაც მოახდინა ახალი წლიდან თხევად გაზზე საფასურის გაორმაგებამ, კერძოდ ფასი 1 ლიტრზე 60 ტენგედან (13,5 აშშ ცენტი) 120 ტენგემდე (0.27$) გაიზარდა.
მიტინგები ფართომასშტაბიან საპროტესტო აქციებსა და არეულობაში გადაიზარდა, რასაც, ორმხრივი დაპირისპირებისას, მსხვერპლი მოჰყვა.
ქვეყანაში შექმნილი დაძაბული ვითარების განმუხტვის მიზნით, ყაზახეთის პრეზიდენტმა ქასიმ-ჟომარტ ტოკაევმა, დაითხოვა ასკარ მამინის მთავრობა. თუმცა საპროტესტო აქციები და დაძაბულობა მაინც გაგრძელდა. ალმა-ათაში დემონსტრანტებმა დაიკავეს აეროპორტი, დაიწვა პრეზიდენტის რეზიდენცია, ადგილი ჰქონდა სერიოზული არეულობებისა და მოროდიორობის ფაქტებს.
ქვეყანაში კომენდანტის საათის გამოცხადების შემდეგ, პრეზიდენტმა ტოკაევმა ანტიტერორისტული ოპერაციის დაწყების შესახებაც გამოაცხადა. ყაზახეთში შეყვანილ იქნა კოლექტიური უსაფრთხოების ხელშეკრულების ორგანიზაციის 5 ქვეყნის (რუსეთი, სომხეთი ბელარუსი, ყირგიზეთი, ტაჯიკეთი) სამხედრო ძალები.
