“არ მგონია სწორი, რომ ყოველ ჯერზე საგამოძიებო კომისია იქმნებოდეს” – მიხეილ სარჯველაძე

მიხეილ სააკაშვილთან დაკავშირებით საგამოძიებო კომისიის შექმნის საკითხს ეხმაურება პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე. მისი აზრით ყველა საკითხთან დაკავშირებით არაა მიზანშეწონილი საგამოძიებო კომისიის შექმნა:

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მიხეილ სარჯველაძეს მიიჩნევს, რომ ოპოზიციამ აღნიშნული კომისიის შექმნით რელევანტური და სწორი მექანიზმი არ აირჩია.

“ოპოზიციის რიგებში საგამოძიებო კომისიის შექმნის თაობაზე კონსულტაციების დაწყებაში უცნაური არაფერია, გასაგებია და გაცხადდა კიდეც, რომ მათი გეგმა ასეთია. პირადად მე მაქვს ჩემი მოსაზრება ამის თაობაზე და ასეთი ტიპის საკითხებზე არ მგონია სწორი, რომ ყოველ ჯერზე საგამოძიებო კომისია იქმნებოდეს.

რამდენიმე მიზეზით და არგუმენტით ვამბობ ამას და მათ შორის ყველაზე მნიშვნელოვანი ალბათ ის არის, რომ საპარლამენტო კონტროლის ისეთი მექანიზმი, როგორიც არის დროებითი საგამოძიებო კომისია, არ არის სტანდარტული საგამოძიებო პროცედურების ალტერნატივა. შესაბამისად, არ მგონია, რომ რელევანტური და სწორი მექანიზმია არჩეული“, – აცხადებს მიხეილ სარჯველაძე.