ადვოკატი დიმიტრი საძაგლიშვილი საქართველოს მე-3 პრეზიდენტის მონახულების შემდეგ, ჟურნალისტებთან კომენტარში, მიხეილ სააკაშვილისა და მისი ჯამნრთელობის შესახებ საუბრობს:
,,უპირველეს ყოვლისა, მიუხედავად იმისა, რომ 31 დეკემბერია მაინც მსურს აღვნიშნო ის პრობლემა, რომელიც ჩვენ გვაქვს მიხეილ სააკაშვილთან კომუნიკაციისას. მინდა მივმართო №12 დაწესებულების დირექტორს, ზურაბ მოდებაძეს, რომელსაც პასუხისმგებლობა ეკისრება იმაზე, რომ ჩვენ უკანონოდ არ გვეძლევა პატიმართან პერსონალური კომუნიკაციის შესაძლებლობა.
რაც შეეხება მიხეილ სააკაშვილის მდგომარეობას – ჯანმრთელობის პრობლემებზე საუბარს ახლა მე არ ვაპირებ. უბრალოდ შემიძლია ვთქვა, რომ მიხეილ სააკაშვილი არის ყველაზე მამაცი, შეუპოვარი და მებრძოლი ადამიანი. სწორედ ასეთებს ძალუძთ რეალურად გამარჯვება. მათ შორის – ნებისმიერ სიტუაციაში.
ჯანმრთელობის მდგომარეობაზე უპრიანი იქნება ექიმების მხრიდან გაკეთდეს მომდევნო კომენტარები. იმედს ვიტოვებთ, რომ შესაძლებლობა მიეცემათ კონსილიუმის წარმომადგენლებს – იგულისხმება, როგორც სახელმწიფოს მიერ, ასევე სახალხო დამცველის ეგიდით და ცენტრ ,,ემპათიას“ მიერ შექმნილ კონსილიუმის წევრებს მიხეილ სააკაშვილის ნახვის და მის ჯანმრთელობაზე მონიტორინგის განხორციელების“, – განაცხადა დიმიტრი საძაგლიშვილმა.
ავტორი
ნინი ხიჯაკაძე
