“ადამიანები, რომლებმაც ეს გადაწყვეტილება მიიღეს წავიდნენ ღია მკვლელობაზე” – ეკა ხერხეულიძე მიხეილ სააკაშვილის საპატიმროში გადაყვანაზე

საქართველოს მე-3 პრეზიდენტის გორის სამხედრო ჰოსპიტალიდან რუსთავის N12 პენიტენციურ დაწესებულებაში გადაყვანასთან დაკავშირებით მწვავე შეფასებას აკეთებს ,,ერთიანი ნაციონალური მოძრაობის“ პოლიტიკური საბჭოს წევრი ეკა ხერხეულიძე. ოპოზიცონერი ლიდერი აცხადებს, რომ მიხეილ სააკაშვილს ნათქვამი ჰქონდა ,,თუ კი ასეთ ფაქტს ექნებოდა ადგილი, ის დაიწყებდა შიმშილობას’’:

,,ადამიანები, რომლებმაც ეს გადაწყვეტილება მიიღეს, წავიდნენ ღია მკვლელობაზე. სხვა შეფასება არ შეიძლება ამას ჰქონდეს.

ის იყო უმძიმეს მდგომარეობაში და საჭიროებდა ექიმების დაიყოვნებლივ ჩარევას. უდიდესი რისკია! არავინ არ იცის ახლა რა მდგომარეობაშია მიხეილ სააკაშვილი, მაგრამ ის ზუსტად შემიძლია გითხრათ, რომ ის არ არის საკუთარი ნებით წამოსული. მასზე განხორციელდებოდა ზეწოლა, ძალადობა, ფიზიკური შეურაცხყოფა.

რამდენად ეყოფოდა მას გამკლავებისთვის ძალა ვერ გეტყვით იმიტომ, რომ უკიდურესად სუსტად იყო.

რაც მთავარია, მას აქვს ნათქვამი, თუ კი ასეთ ფაქტს ექნებოდა ადგილი, ის დაიწყებდა შიმშილობას’’, – განაცხადა ეკა ხერხეულიძემ.

ავტორი
ნინი ხიჯაკაძე