“რომელ გაწერაზეა საუბარი?! როგორც მინიმუმ ადეკვატური მკურნალობის კურსი არ მიმდინარეობს!” – მარიამ ჯიშკარიანი

249

ცენტრ „ემპათიის“ ხელმძღვანელი მარიამ ჯიშკარიანი “მთავარი არხის” ჟურნალისტთან კომენტარში აცხადებს, რომ მიხეილ სააკაშვილის მკურნალობა მიმდინარეობს არაადეკვატურად. ჯიშკარიანის განმარტებით, ასევე, დაუშვებელია პაციენტის გაწერა მისი ინფორმირების გარეშე:

,,ეს, რა თქმა უნდა, არის არაადამიანური მოპყრობის მთელ ჯაჭვში, კიდევ ერთი ეპიზოდი, როგორც უფლებრივი მდგომარეობის თვალსაზრისით, ასევე, რისკი შეიქმნა მისი ჯანმრთელობის მდგომარეობისთვის!

ეს, რა თქმა უნდა, არის საქართველოს კანონმდებლობის უხეში დარღვევა, ისევე, როგორც საერთაშორისო სტანდარტების. ნებისმიერ შემთხვევაში, თუკი მის გადაყვანას აპირებდნენ, მას უნდა სცოდნოდა. მის უფლებათა დამცველებს უნდა ჰქონოდათ ინფორმაცია, თუ სად გადაჰყავთ და როგორ გადაყავთ.

რაც შეეხება სამედიცინო დაწესებულებას, პაციენტის ინფორმირებული თანხმობის გარეშე მისი გაწერა არის დაუშვებელი. სააკაშვილის მკურნალობა და დიაგნოსტიკა საერთოდ მიმდინარეობს არაადეკვატურად. შესაბამისად, რა თქმა უნდა, რომელ გაწერაზეა საუბარი?! როგორც მინიმუმ ადეკვატური მკურნალობის კურსი არ მიმდინარეობს!“, – განაცხადა მარიამ ჯიშკარიანმა.

ავტორი
ნინი ხიჯაკაძე

კომენტარები პუბლიკაციაზე