“მნიშვნელოვნად ჩავთვალეთ, რომ ჩვენი მოქალაქეებისთვის გაგვესაჯაროვებინა იმ ქმედებებისა და შედეგების ნაწილი, რაც ჯანდაცვის სამინისტროს ერთობლივმა გუნდმა შედეგად დადო” – ეკატერინე ტიკარაძე

ჯანდაცვის ჯერ კიდევ მოქმედმა მინისტრმა ეკატერინე ტიკარაძემ, წლის შემაჯამებელი ანგარიშის წარდგენის შემდეგ, ჟურნალისტებთან გაკეთებულ კომენტარში აღნიშნა, რომ ეს იყო 3 წლიანი მუშაობის შეფასება და აუცილებელი იყო მოსახლეობის ინფორმირება განხორციელებულ პროექტებთან დაკავშირებით:

,,ეს იყო 3 წლიანი მუშაობის შეფასება. გამომდინარე იქიდან, რომ თითოეულმა სტრუქტურამ და საჯარო მოხელემ უნდა შეინარჩუნოს გამჭვირვალობა, ის ვალდებულება და პასუხისმგებლობა მოქალაქეების მიმართ, რომელიც ჩვენ ამ თანამდებობის დაკისრების მომენტიდან გვაქვს.

მნიშვნელოვნად ჩავთვალეთ, რომ ჩვენი მოქალაქეებისთვის გაგვესაჯაროვებინა იმ ქმედებებისა და შედეგების ნაწილი, რაც ჯანდაცვის სამინისტროს ერთობლივმა გუნდმა ამ პერიოდის მანძილზე შედეგად დადო.

ყველაზე ეფექტური, რაც პანდემიის ნაწილში ჯანდაცვის სამინისტროს მხრიდან განხორციელდა, ეს იყო ჰოსპიტალური სექტორის მობილიზაცია და კლინიკური ჯგუფის მუშაობა, რომელიც სამინისტროსთან ერთად ადგენს პროტოკოლებს“, – განაცხადა ეკატერინე ტიკარაძემ.

ავტორი
ნინი ხიჯაკაძე