,,სტრატეგია აღმაშენებლის“ გენერალური მდივანი პაატა მანჯგალაძე პოლიტიკურ შეფასებას აკეთებს მმართველ პარტიაში მიმდინარე საკადრო ცვლილებებთან დაკავშირებით. ოპოზიციონერი ლიდერის თქმით, რასაც ხელისუფლება ადრე დიპლომატიურად აკეთებდა კუჭავას სახით, ახლა ხისტად გააკეთებს პაპუაშვილის ხელით:
,,დიდი და არსებითი მნიშვნელობა, ქვეყნისთვის შეიძლება არ ჰქონდეს, თუ ვინ იქნება პარლამენტის თავმჯდომარე, პრემიერ-მინისტრი, მაგრამ პიროვნულ შტრიხებს მაინც აქვს მნიშვნელობა.
თუ ,,ქართული ოცნება“ ისეთ ქმედებას, რომელიც მიუღებელი იყო საზოგადოებისთვის აკეთებდა კუჭავას სახით, ვთქვათ დიპლომატიური ენით, ახლა ამას გააკეთებს პაპუაშვილი – უფრო ხისტად, მოუხეშავად.
ჩვენ, როცა ვსაუბრობთ არაფორმალური ძალაუფლებისა და არაფორმალურ მმართველობაზე, ეს ნიშნავს, რომ სხვასთან, ფორმალურ ძალაუფლებასთან შედარებით, დიდია შიდა დაპირისპირებების და ინტრიგების ხარისხი, ყოველთვის.
მე არ გამოვრიცხავ, რომ ასეთ დაირისპირებასაც ჰქონდეს ადგილი“, – განაცხადა პაატა მანჯგალაძემ.
ავტორი
ნინი ხიჯაკაძე
