“მნიშვნელოვანი არის პოლიტიკაში მყოფი პირები მიმართავდნენ დიალოგს და არა სხვადასხვა ფორმის საპროტესტო აქციებს” – ეკატერინე ტიკარაძე

ჯანდაცვის ჯერ კიდევ მოქმედი მინისტრი, ეკატერინე ტიკარაძე კომენტარს აკეთებს საპროტესტო აქციებთან დაკავშირებით და მიაჩნია, რომ პროტესტის ნაცვლად დიალოგი უნდა შედგეს:

,,მე მესმის, რომ გარკვეული პროტესტის სახე არის და დემოკრატიის ერთ-ერთი ნიშანი საზოგადოებასა და სახელმწიფოში. მესმის, რომ ადამიანები ცდილობენ გარკვეული დაძაბულობის შემოტანას იმისათვის, რომ მეტი ყურადღება მიიქციონ ამ პროცესში, თუმცა ნამდვილად ვთვლი, რომ ყოველთვის არსებობს დიალოგის რესურსი.

მნიშვნელოვანი არის პოლიტიკაში მყოფი პირები მიმართავდნენ დიალოგს და არა სხვადასხვა ფორმის საპროტესტო აქციებს, რომელიც ისედაც ართულებს ქვეყანაში არსებულ რთულ სიტუაციას, რომელიც პანდემიიდან გამომდინარეა“, – განაცხადა ეკატერინე ტიკარაძემ.

ავტორი
ნინი ხიჯაკაძე