პარტია “ქართული ოცნების” თავმჯდომარე ირაკლი კობახიძე ეხმიანება მიხეილ სააკაშვილის გათავისუფლების მოთხოვნით დაწყებულ მასობრივი შიმშილობის აქციას და მას ტრაგიკომიკურ მოვლენას უწოდებს:
„შიმშილობა არის ყველას პოლიტიკური უფლება და მათ შეუძლიათ, ეს უფლება გამოიყენონ, თუმცა, როდესაც ბელადის შანტაჟით იწყებს 200 ადამიანი შიმშილობას, რა თქმა უნდა, ძალიან სამწუხაროა. ეს არის სამწუხარო მოვლენა, რაც ბუნებრივია პოლიტიკას არ წაადგება, თუმცა ეს მათი გადაწყვეტილებაა.
არავინ არავის არ დასცინის, მაგრამ თავისთავად ის ფაქტი, რომ ადამიანები ბელადის შანტაჟის გამო შიმშილობენ, ეს თავისთავად არის ტრაგიკომიკური მოვლენა, – განაცხადა ირაკლი კობახიძემ.
