“უმთავრესი გამოწვევა ქვეყანაში არის როგორც პოლიტიზებული მართლმსაჯულება ასევე, ზოგადად, თამაშის წესები” – სალომე სამადაშვილი

ოპოზიციონერი დეპუტატი ფრაქცია “ლელო“ – პარტნიორობა საქართველოსათვის” წევრი სალომე სამადაშვილი კომენტარს აკეთებს საქართველოს პრეზიდენტთან, სალომე ზურაბიშვილთან მიმდინარე დიალოგთან დაკავშირებით. მისი განცხადებით, საუბარი იყო პოლიტიკურ მართლმსაჯულებაზე და ამავე ნიშნით არსებულ საქმეებზე:

,,გვქონდა საუბარი ზოგადად პოლიტიკურ მართლმსაჯულებაზე, მათ შორის ცხადია, ყველა შესაბამისი პოლიტიკური ნიშნით არსებულ მიმდინარე საქმეებზე.

უმთავრესი გამოწვევა ქვეყანაში არის როგორც პოლიტიზებული მართლმსაჯულება, ასევე, ზოგადად, თამაშის წესები, რომელიც ტოვებს განცდას საზოგადოების დიდ ნაწილში, რომ პოლიტიკური თამაშის წესები არის უსამართლო.

ამ ეტაპზე ხდება, შეიძლება ითქვას, არის ინტელექტუალური მოთელვა იმისთვის, რომ ჩვენ შევქმნათ პროცესი, რომელიც მართლა იქნება ამ ქვეყნისთვის გამოსავალი“, – განაცხადა სალომე სამადაშვილმა.

ავტორი
ნინი ხიჯაკაძე