სასამართლო გადაწყვეტილებით 2020 წელს გუდაურში მომხდარი მკვლელობის საქმეზე ნაფიცმა მსაჯულებმა უდანაშაულოდ ცნეს მერაბ კობიაშვილი. მისი განცხადებით, ადვოკატები თითქმის 2 წელი იბრძოდნენ და დაამტკიცეს რა არის სიმართლე:
,,ამ გადაწყვეტილებას აუცილებლად ველოდებოდი, იქიდან გამომდინარე, რომ მე არ ჩამიდენია განზრახ მკვლელობა.
ეს არის ძალიან დიდი ტრაგედია, რომელიც მე მხრებით მთელი ცხოვრება უნდა ვატარო. ძალიან დიდი ტრაგედია არის და მინდა, რომ დიდი მადლობა გადავუხადო ნაფიცმსაჯულებს სწორი გადაწყვეტილებისთვის, სიმართლისთვის.
მეტს ვერაფერს ვერ გეტყვით, ცოტა ემოციებში ვარ…
მადლობა მინდა გადავუხადო ჩემ ადვოკატებს, რომლებიც თითქმის 2 წლის განმავლობაში აი ამ სიმართლისთვის იბრძოდნენ და დაამტკიცეს რა არის სიმართლე!“, – განაცხადა მერაბ კობიაშვილმა.
შეგახსენებთ, რომ მერაბ კობიაშვილი დააკავეს 2020 წლის თებერვალში გუდაურში მომხდარი მკვლელობის საქმეზე, რომელსაც ბრალი ედებოდა განზრახ მკველობის/მცდელობის მუხლით.
ავტორი
ნინი ხიჯაკაძე
