,,სტრატეგია აღმაშენებლის“ გენერალური მდივანი, პაატა მანჯგალაძე პოლიტიკურ შეფასებას აკეთებს მიხეილ სააკაშვილის ინიციატივაზე, რომ მოხდეს ქვეყნის 3 პრეზიდენტის შეხვედრა. ოპოზიციონერი ლიდერის აზრით, ,,ქართული ოცნების“ ხელისუფლების პირობებში ეს ნაბიჯი მყისიერად არ გადაიდგმება, თუმცა მიაჩნია, რომ წინსვლისათვის უმჯობესია ერთმანეთთან საუბარი:
,,იდეალურ სიტუაციაში, რა თქმა უნდა, კარგი იქნებოდა, რომ საქართველოში შესაძლებელი იყოს სამი პრეზიდენტის ერთად საუბარი, მაგრამ ,,ქართული ოცნების“ რეალობის გათვალისწინებით – როგორიც არის და რა გუნების მატარებელიცაა, მე ამ ეტაპზე ასე სწრაფად და მყისიერად ნამდვილად გამოვრიცხავ. ფაქტიურად, არც მჯერა, რომ ამას გააკეთებენ!
მაგრამ ამის გამო პრეზიდენტ სალომე ზურაბიშვილის შეთავაზებაზე უარი არ უნდა ვთქვათ. დავიწყოთ ნაბიჯებით ნელ-ნელა და სიტუაცია გვანახებს, რომ იმაზე წინ შეიძლება ვიყოთ, ვიდრე დღეს ვართ. უფრო უარესია არ ვესაუბროთ ერთმანეთს, ვიდრე ასე გაბუტულ მდგომარეობაში ვიყოთ“, – განაცხადა პაატა მანჯგალაძემ.
ავტორი
ნინი ხიჯაკაძე
