,,tv პირველის“ დამფუძნებელი და გენერალური დირექტორი ვატო წერეთელი ავრცელებს საგანგებო განცხადებას მამის ჯანმრთელობის მდგომარეობასთან დაკავშირებით. მისი თქმით, პროკურატურა 4 დღეა არ სცემთ პასუხს, რომ მამამისი გადაიყვანონ საზღვარგარეთ სამკურნალოდ. ვატო წერეთელი აცხადებს, რომ ეს არის პირადად ბიძინა ივანიშილის შურისძება, რომ დადგეს ლეტალური შედეგი მისი ოჯახის მიმართ:
,,6 თვის უკან მამას უმძიმესი ოპერაცია გავუკეთეთ. თირკმელზე ჰქონდა კიბო. რის შემდეგ, ახლა გვიწევს გასვლა ქვეყნის გარეთ. პროკურატურას 4 დღეა უკვე მივმართეთ, რომ მას მისცენ საშუალება გავიდეს სამკურნალოდ. პროკურატურა პასუხსაც არ გვცემს.
ეს არის პირდაპირ ბიძინა ივანიშვილის შურისძიება ჩემ ოჯახზე. მას უნდა, რომ ჩემი ოჯახის წევრის ლეტალური შედეგი დადგეს. თქვენ გახსოვთ, რომ რამდენიმე ხნის უკან იმდენი ატარეს სასამართლო დარბაზში, რომ ბოლოს ადამიანი გულის შეტევით საავადმყოფოში მოახვედრეს.
ეს, რომ პირადად ბიძინა ივანიშვილის შურისძებაა ჩემ ოჯახზე პირადად მე დავამტკიცებ. ადამიანმა 6 თვის უკან უმძიმესი ოპერაცია გაიკეთა, თირკმლის კიბოსი. დღეს რომ სასამართლოს არ გაჩენოდა რაიმე კითხვა, არიდება უნდოდა სასამართლოსი – გადავწიეთ ყველაფერი, რომ დღეს მიეცა მას ჩვენება. ჩვენებასაც იძლევა, მაგრამ ჩვენების მერეც კი 4 დღეა პროკურატურა ჩვენ არ გვეუბნება არანაირ პასუხს, რომ ადამიანი გადავიყვანოთ უცხოეთში და მას მიეცეს მკურნალობის საშუალება. ეს არის ჯალათების ხელისუფლება!
4 დღეა საერთოდ პროკურატურას წყალი აქვს პირში ჩაგუბებული და ხმას არ გვცემს. არც ღარიბაშვილის, არც არავის – ეს არის პირადად ივანიშვილის შურისძიება ჩემ ოჯახზე, რომ დადგეს მამაჩემის ლეტალური შედეგი. ამას მთელ საქართველოს დავუმტკიცებ, რომ ეს არის პირადად ბიძინა ივანიშვილის შურისძიება ჩემ ოჯახზე და ჩემ ტელევიზიაზე“, – განაცხადა ვატო წერეთელმა.
ავტორი
ნინი ხიჯაკაძე
