პენიტენციური სამსახურის მიერ მიხეილ სააკაშვილთან მიმართებაში გავრცელებულ კადრებსა და სახელმწიფო ინპექტორის სამსახურის შესაბამის დასკვნასთან დაკავშირებით შეფასებები გააკეთა საპარლამენტო უმრავლესობის წევრმა ირაკლი ზარქუამ. მისი განცხადებათ, საქართველოს მე-3 პრეზიდენტი თვითონ აყენებდა შეურაცხყოფას თანამშრომლებს და იმიტომ გასაჯაროვდა აღნიშნული კადრები, რომ საზოგადოებას რეალური სურათი დაენახათ:
,,არ დარღვეულა! – პირიქით, გასაჯაროვდა იმიტომ, რომ გარკვეული ჯგუფები, მათ შორის, ოპოზიციური, რადიკალური ოპოზიციის მხრიდან, განსხვავებულ ისტორიებს ყვებოდნენ, რომ ათრიეს ყოფილი პრეზიდენტი, პატიმარი სააკაშვილი, რომ 20 მეტრით იყო მანქანა დაშორებით, ცემა-ტყეპით შეიყვანეს.
აღმოჩნდა პირიქით, რომ ეს ადამიანი იქით აყენებდა შეურაცხყოფას, პატიმარ სააკაშვილს ვგულისხმობ.
აქედან გამომდინარე მოხდა ამ პროცესის გასაჯაროება.
შერიგება ეხლა, თუ ვინმეს ჰგონია, რომ სააკაშვილი მოინანიებს და მერე ციხიდან გამოვუშვებთ, ეს ტყუილია”, – განაცხადა ირაკლი ზარქუამ.
ავტორი
ნინი ხიჯაკაძე
