“დღეს მათ ჩაიცვეს, მოიხურეს კრავის ტყავები და თავს გვაჩვენებენ თითქოს უნდათ ჰარმონია და თანხმობა” – თეა წულუკიანი “ნაციონალურ მოძრაობასთან” მიმართებაში

მიხეილ სააკაშვილის მიმართვას, ეროვნულ შერიგებასთან დაკავშირებით, მმართველი გუნდი ეხმიანება. მთავრობის ვიცე-პრემიერი, კულტურის მინისტრი თეა წულუკიანი წინა ხელისუფლებას შეახსენებს, რომ მათი მმართველობის დროს იყო საზოგადოება გახლეჩილი:

“როდესაც ისინი იყვნენ ხელისუფლებაში, ყოველთვის ხლეჩდნენ საზოგადოებას, ყოფდნენ ჩარეცხილებად და თავისიანებად და ჩვენ დღესაც, სამწუხაროდ, ამის შედეგს ვიმკით.

დღეს მათ ჩაიცვეს, მოიხურეს კრავის ტყავები და თავს გვაჩვენებენ, თითქოს, უნდათ ჰარმონია და თანხმობა, არადა არიან პირველი და ერთადერთი წყარო იმ საშინელი პოლარიზაციის, რომელიც დღეს ქვეყანაში არსებობს.

რაც შეეხება პატიებას, პირველ რიგში საზოგადოებამ, თქვენ უნდა აპატიოთ “ნაციონალურ მოძრაობას” იმისთვის, რომ დღეს კანონიერად და ლეგიტიმურად არჩეულმა ხელისუფლებამ, საზოგადოების სახელით, მათთან შერიგების პროცესი წამოიწყოს,” – აცხადებს თეა წულუკიანი.