“პოლიტიკა იმაში მდგომარეობს, არ მისცე რომელიმე პოლიტიკურ ძალას ან გაერთიანებას საფუძველი, რომ იმოქმედოს იატაკქვეშეთში” – გია ვოლსკი

საჯარო რეესტრმა ,,ალტ-ინფო”-ს მიერ დაფუძნებული პარტია “კონსერვატიული მოძრაობა” დაარეგისტრა. ამ ფაქტთან დაკავშირებით პოლიტიკური შეფასება გააკეთა მმარველი გუნდის ლიდერმა გია ვოლსკიმ. მისი განმარტებით ეს პოლიტიკური ძალა უნდა დაექვემდებაროს კონკრეტულ წესებს:

,,ეს პოლიტიკური ძალა უნდა დაექვემდებაროს კონკრეტულ წესებს.

მე, მაგალითად, არ დავარეგისტრირებდი იმიტომ, რომ ჩემი კრედო, პოლიტიკური შეხედულება რადიკალურად განსხვავდება, მაგრამ არის, ვთქვათ, გერმანიაშიც რადიკალური მემარჯვენე ხასიათის პარტიები.

მაგრამ პოლიტიკა იმაში მდგომარეობს, არ მისცე რომელიმე პოლიტიკურ ძალას ან გაერთიანებას საფუძველი, რომ იმოქმედოს იატაკქვეშეთში”, – განაცხადა გია ვოლსკიმ.

ავტორი
ნინი ხიჯაკაძე