კულტურის მინისტრ თეა წულუკიანის მხრიდან პარტია “კანონი და სამართლის” თავმჯდომარის, პარლამენტის დეპუტატ თაკო ჩარკვიანისა და მისი მამის მისამართით დაფიქსირებულ პოზიციასთან დაკავშირებით მწვავე შეფასებებს აკეთებს ტელეკომპანია “მთავარი არხის” გენერალური დირექტორი ნიკა გვარამია და სრულ მხარდაჭერას უცხადებს თაკო ჩარკვიანს:
“მესმის, თაკო ჩარკვიანი არ გიყვარდეს ან არ მოგწონდეს, მაგრამ სრულიად არანორმალურია წულუკიანის გამოსვლის შემდეგ, ერთმანეთად ღირან ორივეო, ამბობდე.
ადამინს მამის საფლავი შეუგინა. ქალს უთხრა, კომფორტულ ლეიბს გიყიდი და ქუშაში წამოკოტრიალდიო და მრავალი სხვა სიბილწე და უბედურება. და ამის შემდეგ და ამის ფონზე, თაკოს განხილვა და შეფასება ნორმალურია საერთოდ, ვინც არ უნდა გეგონოთ და რა დამოკიდებულებაც არ უნდა გქონდეთ?
თან ვინ ეუბნება და ვინ უგინებს მამას?! – ჯალათი მამის ჯალათი შვილი, რომელიც ახლა კულტურას ხელმძღვანელობს. ქალი, რომელსაც კულტურასთან არ ჩაუვლია და ყველაზე ცნობილი და გამოჩენილი ცენზორია.
ჩემი სრული მხარდაჭერა თაკო ჩარკვიანს“, – წერს ფეისბუქის პირად გვერდზე ნიკა გვარამია.