საქართველოს მე-3 პრეზიდენტმა მიხეილ სააკაშვილი სასამართლო პროცესზე კახა ბენდუქიძესთან დაკავშირებით ისაუბრა, გაიხსენა მასთან შეხვედრა ბრიუსელში, მის სიკვდილამდე 2 თვით ადრე და აღნიშნა, რომ კახა ძალიან ნერვიულობდა, რადგანაც მის წინააღმდეგ სისხლის სამართლის საქმე იყო აღძრული, საკუთარი უნივერსიტეტიდან თანხის გაფლანგვაზე:
,,მე კარგად მესმის კახა ბენდუქიძის, რომელსაც შევხვდი მის სიკვდილამდე ორი თვით ადრე ბრიუსელში, რომელიც ძალიან ნერვიულობდა. იმიტომ, რომ მასზე იყო აღძრული სისხლის სამართლის საქმე, საკუთარი უნივერსიტეტიდან თანხის გაფლანგვაზე და კახა მოკლეს ამათ!
კახა ბენდუქიძის, გენიალური ქართველი რეფორმატორის, რომელსაც სამ დღეში ნიშნავდნენ, აი იმ დღიდან, როცა შევხვდი, იმიტომ, რომ ამისთვის ჩავედი, რომ მეთქვა, უკრაინის ეკონომიკის მინისტრად და ვიცე-პრემიერად. მისი სიკვდილი გავიგე, როცა მივედი აეროპორტში, არ იღებდა ჩემ ტელეფონს ერთი დღე, მივედი აეროპორტში და აღარ ჩამოვიდა და მერე უკვე ბრიუსელში გავიგე, რომ კახა ბენდუქიძე აღარ არის.
ამათ მოკლეს თავისი ბრალდებებით! თან უგზავნიდნენ იცით რას? – რომ პატარა საკანში იქნები, დაბანის საშუალება არ გექნება, რაც მომიყვა კახამ, მე არაფერს არ ვიტყუები! – იქნები ისეთ დიეტაზე, რომ კუჭი გაგიხმება, რაღაც საოცრებებს უყვებოდნენ. მე ძალიან კარგად ვიცი სად იხარშება ეს სიბინძურეები!
როცა ვლაპარაკობთ, სხვათაშორის, ნუგზარ ფუტკარაძის, ია კერზაიას მკვლელობაზე, არ დაგვავიწყდეს კახა ბენდუქიძის მკვლელობა.
მე ზუსტად ვიცი რატომ წავიდა კახა დროზე ადრე ამქვეყნიდან!“, – განაცხადა მიხეილ სააკაშვილმა.
ავტორი
ნინი ხიჯაკაძე
