“მიშა გამოდიოდა ოთახიდან და უნდა ასულიყო ზემოთ, ამ დროს მოსხლეტით წაიქცა” – ბექა ბასილაია

მიხეილ სააკაშვილის ადვოკატი, ბექა ბასილაია ინფორმაციას ავრცელებს იმასთან დაკავშირებით, რომ საქართველოს მე-3 პრეზიდენტმა, მათთან შეხვედრის შემდეგ ოთახიდან გასვლისას გონება დაკარგა:

“ადვოკატებთან შეხვედრის შემდეგ მიშა გამოდიოდა ოთახიდან და უნდა ასულიყო ზემოთ, ამ დროს მოსხლეტით წაიქცა. შემდეგ, რამდენიმე წუთში, ჩამოიტანეს საკაცე. მიშას ამ წაქცევის შემდეგ მისი ხმა არ გამიგია. თანამშრომლები თვალებს უხსნიდნენ, გადააწვინეს საკაცეზე. ამ წუთში არ ვიცი მისი მდგომარეობა. ძალიან მძიმედ იყო მისი მდგომარეობა, ძალიან ცუდად იყო, როცა ჩვენ გვხვდებოდა. დაახლოებით 10 წუთია, რაც აიყვანეს. არ ვიცი სად აიყვანეს, დააწვინეს და აიყვანეს“, – განაცხადა ბექა ბასილაიამ.

რამდენიმე წუთის წინ განცხადება გაავრცელა სპეციალურმა პენიტენციურმა სამსახურმა:

“მიხეილ სააკაშვილის ჯანმრთელობის მდგომარეობა სტაბილურია. ცოტა ხანში ექიმი რეანიმატოლოგი გააკეთებს კომენტარს მედიისთვის“.