“საქართველოს სტრატეგიული ანალიზის ცენტრის” დამფუძნებელი ნოდარ ხარშილაძე სოციალურ ქსელში თავის შეფასებებს აქვეყნებს სააკაშვილთან მიმართებაში და აცხადებს, რომ ბიძინა ივანიშვილის ინტერესშია საქართველოს მე-3 პრეზიდენტის სიკვდილი:
“დღეს აშკარაა, რომ ბიძინა ივანიშვილისთვის სრულიად მისაღებია სააკაშვილის სიკვდილი. იცის, რომ მოკლე ვადიანში პრობლემები შეექმნება, მაგრამ გრძელვადიან პერსპექტივაში უღირს, რადგან სანამ მიშა ცოცხალია მისი ასობით ათასი მხარდაჭერით ის საფრთხეა და მისი ფაქტორი მზარდია. განსაკუთრებით ბოლო მოვლენების შემდეგ მისი საკმაოდ არაორდინალური საქციელის გათვალისწინებით, რასაც ბევრი არ მოელოდა.
შესაბამისად სისტემამ სააკაშვილს განაჩენი გამოუტანა, უფრო სწორედ მისმა მფლობელმა და პატრონმა.
სააკაშვილი პატიმარი არ არის ის ტყვეა და ტყვეს ან უფრთხილდებიან ან სასიკვდილოდ ამზადებენ. ივანიშვილი სიამოვნებით “აცლის” სააკაშვილს სიკვდილს.
ნებისმიერი პოლიტიკური ორიენტაციის გათვალისწინებით ეს თემა ცდება პოლიტიკას და ჩვეულებრივი მკვლელობაა, რომლის ჩუმი და პასიური თანამონაწილეები ჩვენც ვართ, ჩვენ ყველანი ვინც ველოდებით, ველოდებით…“, – წერს ფეისბუქის პირად გვერდზე ნოდარ ხარშილაძე.
