„სტრატეგია აღმაშენებლის“ ლიდერის თქმით, დღეს ოპოზიციის მიერ დაანონსებულ აქციაზე თავადაც მივა. გიორგი ვაშაძეს წარმოუდგენლად მიაჩნია იმ ვითარების გაგრძელება, რომელიც დღეს ქვეყანაშია. ამასთან მისი თქმით აქციები და პროტესტი კონსტიტუციით გარანტირებული უფლებაა, რომელიც აუცილებლად უნდა იქნეს გამოყენებული მშვიდობიანი გზით ქვეყნის დასახსნელად სამოქალაქო დაპირისპირებისგან:
„მე პირადად აუცილებლად ვიქნები დღეს დაანონსებულ აქციაზე ჩვენს თანაგუნდელებთან ერთად.
საერთოდ უნდა ვიცოდეთ, რომ აქციები, პროტესტი ეს არის კონსტიტუციით გარანტირებული უფლება, რომელიც აუცილებელია გამოყენებული იქნეს იმისთვის, რომ მშვიდობიანი პროტესტით მივაღწიოთ და დავიხსნათ ქვეყანა სამოქალაქო დაპირისპირებისგან.
ვითარება, რომელიც დღეს არის შეუძლებელია ასე გაგრძელდეს, წარმოუდგენელია ყოველ წუთს ვიყოთ მძიმე ფიზიკური დაპირისპირების საფრთხის წინაშე, ამიტომ ვაპირებთ მშვიდობიანად მივიღოთ მონაწილეობა აქციაში“, – განაცხადა გიორგი ვაშაძემ.
ინფორმაციას პოლიტიკური პლატფორმა “გიორგი ვაშაძე – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს