“ფაქტია, რომ ხელისუფლება ყოველთვის იყენებს პოლიტიკური მიზნებისთვის სახელმწიფო უსაფრთხოების სამსახურს” – დიმიტრი საძაგლიშვილი

ადვოკატი დიმიტრი საძაგლიშვილი კომენტარს აკეთებს სახელმწიფო უსაფრთხოების სამსახურის მიერ სახელმწიფო ხელისუფლების დასამხობად შეთქმულების ფაქტზე დაწყებულ გამოძიებასთან დაკავშირებით:

,,ქართული ოცნება“ რეალურად ცდილობს პოლიტიკური წინააღმდეგობის გარკვეულწილად ჩაქრობას. კარგად ვიცით, რომ სახელმწიფო უსაფრთხოების სამსახური რეალურად ზრუნავს არა სახელმწიფოს უსაფრთხოებაზე, არამედ იმაზე, რომ მმართველ ხელისუფლებას გაუხანგრძლივოს ხელისუფლებაში ყოფნა.

პოლიტიკური პოლიციაა და სხვა ფუნქცია ამ დაწესებულებას არ დარჩა. მათ შორის, წინა საარჩევნოდ და პოსტსაარჩევნოდ კამპანიის ძირითადი ინსტრუმენტი ,,ქართული ოცნების“ ხელში სწორედ სახელმწიფო უსაფრთხოების სამსახური არის ხოლმე, რომელსაც ხან საბურავებზე დააწყებინებენ გამოძიებას, ხან სატელეფონო საუბრების ატვირთვის შემდეგ უკრაინაში გაურკვეველი წარმომავლობის საიტებზე.

ფაქტია, რომ ხელისუფლება ყოველთვის იყენებს პოლიტიკური მიზნებისთვის სახელმწიფო უსაფრთხოების სამსახურს და ახლა ვხედავთ, რომ ხელისუფლება არის შეშინებული, განსაკუთრებით მიხეილ სააკაშვილის პიროვნებასთან დაკავშირებით“, – განაცხადა დიმიტრი საძაგლიშვილმა.

ავტორი
ნინი ხიჯაკაძე