ტელეკომპანია “იმედის” დაკვეთით კვლევითი ორგანიზაცია “გორბის” მიერ ჩატარებული ეგზიტპოლის შედეგების გამოცხადებას, რომლის მიხედვითაც დედაქალაქსა და კიდევ რამდენიმე ოლქში “ქართული ოცნების” კანდიდატები იმარჯვებენ, გამოეხმაურა პრემიერ-მინისტრი ირაკლი ღარიბაშვილი, რომელმაც კახი კალაძეს და მუნიციპალიტეტების მერებს გამარჯვება მიულოცა:
„ყველას გილოცავთ გამარჯვებას, ჩემო ძვირფასებო! მე მინდა ყველას მოგილოცოთ მეორე ტურის გამარჯვებით დასრულება. დიდი მადლობა ჩვენს ხალხს და მხარდამჭერებს. მადლობა ჩვენს ხალხს ყველაფრისთვის. მადლობა უფალს. ძალიან კარგად, მშვიდად ჩატარდა არჩევნები და წინასწარი მონაცემების მიხედვით ჩვენ ყველა მუნიციპალიტეტში გავიმარჯვეთ.
ახლა, რა თქმა უნდა, მშვიდად უნდა დაველოდოთ საბოლოო მონაცემების გამოცხადებას და მე მინდა კახა კალაძეს გამარჯვება მივულოცო. ასევე, ყველა მერს, ყველა ჩვენს კანდიდატს მინდა გამარჯვება მივულოცო. მადლობა თქვენ კიდევ ერთხელ“, – განაცხადა ირაკლი ღარიბაშვილმა.
ინფორმაციას პარტია “ქართული ოცნების” პრესსამსახური ავრცელებს
