საპატიმრო დაწესებულებაში მე-3 პრეზიდენტთან შეხვედრაზე იმყოფებოდა პარლამენტის წევრი როსტომ ჩხეიძე, რომელმაც შეხვედრის შემდეგ ჟურნალისტებთან კომენტარში აღნიშნა, რომ მიხეილ სააკაშვილი, მიუხედავად შიმშილობის 28-ე დღისა, საკმაოდ მხნედ გამოიყურება და დიდი იმედით ელოდება არჩევნების მეორე ტურს:
,,ველოდებოდი, თორემ მეტი პრობლემა შესვლაზე არ ყოფილა. თვითონ, როცა ბატონი მიხეილი ვნახე – არის ძალიან მხნედ.
მე ვცადე, რომ მეთანაგრძნო, მენუგეშებინა და არ დამანება, გამხნევება რომ დავიწყე, აქეთ გამამხნევა. ძალიან დიდი იმედით უყურებს ზეგინდელ დღეს, არჩევნებს უყურებს ძალიან დიდი იმედით. მიაჩნია, რომ სასიკეთო ცვლილებები ნამდვილად მოხდება და ამის იმედი გვაქვს ყველას, ვისაც გვინდა უკეთესი საქართველო!
როცა ვსაუბრობდით შემოიხედეს და უთხრეს, რომ ბატონო მიხეილ კონსილიუმი არის და თქვენ შეხვდებით თუ არაო. არაო – თქვა და ჩვენ გავაგრძელეთ საუბარი. მე, რასაც შევესწარი შემოიხედეს, ჰკითხეს მიხეილ სააკაშვილს და უთხრა, რომ – არ არის საჭირო“, – განაცხადა როსტომ ჩხეიძემ.
ავტორი
ნინი ხიჯაკაძე
