“რესპუბლიკური პარტიის” თავმჯდომარე, ხათუნა სამნიძის განცხადებით, “ქართული ოცნების” მიერ ინიცირებული კანონპროექტი, რომელიც პოლიტიკური რეკლამის რეგულირებას გულისხმობს სახიფათოა და მიზნად ცენზურის დაწესებას ისახავს:
“კანონპროექტი, რომელიც თავისთავად სახიფათოა და ცენზურის დაწესებას გულისხმობს არ უნდა იქნეს მიღებული, განსაკუთრებით კი დაჩქარებული წესით. რატომ, არ შეიძლება ამ კონკრეტულ ინიციატივასთან დაკავშირებით სამუშაო ჯგუფის შექმნა?! თავისთავად, სრულიად წარმოუდგენელი და მიუღებელია მსგავსი ტიპის საკანონმდებლო ცვლილება”, – აცხადებს ხათუნა სამნიძე
კანონპროექტი “ქართული ოცნების” მიერ არის ინიცირებული. მათი განცხადებით, საკანონმდებლო ცვლილების მიზანი სარეკლამო ბაზრის რეგულირებაა და ისეთი პოლიტიკური რეკლამების აკრძალვა, რომლებიც მიზნად ოპონენტის დისკრედიტაციას ისახავს.
ინფორმაციას პოლიტიკური პლატფორმა “გიორგი ვაშაძე – მესამე ძალა – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
