“მდგომარეობა დამძიმდა – არის უფრო სუსტად, წინა შეხვედრის შემდეგ” – ნიკოლოზ ყიფშიძე მიხეილ სააკაშვილზე

მიხეილ სააკაშვილი საპატიმროში მისმა პირადმა ექიმმა მოინახულა. ნიკოლოზ ყიფშიძემ საპატიმროდან გამოსვლის შემდეგ კომენტარი გააკეთა ჟურნალისტებთან და აღნიშნა, რომ ამ ეტაპისთვის მე-3 პრეზიდენტის ჯანმრთელობის მდგომარეობა არ საჭიროებს ჰოსპიტალიზაციას, თუმცა საკმაოდ სუსტად გრძნობს თავს და სიარულიც უჭირს:

,,შეიძლება დასჭირდეს კონსილიუმის ადრე დანიშვნა, ვიდრე სამშაბათს. ვნახოთ დღვანდელი დღე როგორი იქნება. მორალური მხრივ ძალიან კარგად არის, მაგრამ ცოტა უჭირს სიარული.

მის კვლევებს გავეცანი, დიდი განსხვავევა არ არის წინისგან. ამჟამად ახასიათებს სისუსტე, უფერულება ისე, როგორც ადამიანი, სუსტად გრძნობს თავს.

ჰოსპიტალიზაცია ამ წუთში არ არის საჭირო, მაგრამ ვნახოთ. მდგომარეობა დამძიმდა – არის უფრო სუსტად, წინა შეხვედრის შემდეგ.

ანალიზებში ცვლილებები იყო იმდენივე, როგორც იყო წინა ანგარიშში. რაღაც დიდი განსხვავება მე ვერ შევამჩნიე.

მე ახლა წავალ სახლში, დავურეკავ ციხის მთავარ ექიმს და შემდეგ უკვე მათ უნდა გადაწყვიტონ“, – განაცხადა ნიკოლოზ ყიფშიძემ