“აღმოვაჩინეთ სპეციალური სამსახურების 2 მოწყობილობა – ეს არის უდიდესი კანონდარღვევა და ,,ქართული ოცნება’’ არაერთ სკანდალში გაეხვა” – ირაკლი ნადირაშვილი

,,ერთიანი ნაციონალური მოძრაობის“ წევრმა ირაკლი ნადირაშვილმა პარტიაში გამართულ ბრიფინგზე შეფასებები გააკეთა საკრებულოს შენობაში აღმოჩენილ, კონკრეტულ ტექნიკურ მოწყობილობებთან, მისი თქმით სიგნალის დამხშობ და პორტატული მოსასმენ აპარატურებთან დაკავშირებით:

,,აღმოვაჩინეთ სპეციალური სამსახურების 2 მოწყობილობა, რომელიც ერთი დადასტურებულად გამოიყენება სიგნალების ჩასახშობად და ჩვენ მოვახდინეთ ამ მოწყობილობის იდენტიფიცირება და იგი გამოიყენება სამხედრო დანიშნულებით, ბოროტი რეჟიმების მიერ, აი პუტინისტური, ბიძინა ივანიშვილის რეჟიმების მიერ სიგნალების ჩასახშობად. ხოლო მეორე მოწყობილობა სავარაუდოთ, ეს იყო პორტატული მოსასმენი აპარატი.

ეს არის უდიდესი კანონდარღვევა და ,,ქართული ოცნება’’ არაერთ სკანდალში გაეხვა.

საკრებულოში, მესამე სართულზე განსაკუთრებით დადიოდნენ გაურკვეველი წარმომავლობის ადამიანები. ხედავდნენ ასევე მომიტინგეები, საკრებულოს შენობიდან ხდებოდა მათზე თვალთვალი, გადაღება“, – განაცხადა ირაკლი ნადირაძემ.

ავტორი
ნინი ხიჯაკაძე