ბათუმში, ტრაგედიის ადგილას, იმყოფება შინაგან საქმეთა მინისტრი. ჟურნალისტებთან კომენტარში ვახტანგ გომელაურმა მომხდარ ფაქტთან დაკავშირებით დაწყებული გამოძიების თაობაზე ისაუბრა და განაცხადა, რომ პასუხისგებაში მიეცემა ყველა დამნაშავე:
,,რაც შეეხება პასუხისგებაში მიცემას – იცით, რომ პასუხისგებაში მივეცით 3 ადამიანი, ბინის მეპატრონე და 2 პირი, რომლებიც აწარმოებდნენ სამუშაოებს პირველ სართულზე. სავარაუდოდ, რა თქმა უნდა, ჯერ-ჯერობით დაზუსტებით არ შეგვიძლია ვთქვათ, სასამართლო დაადგენს მათი ბრალეულობა იყო ჩამონგრევა თუ სხვა რამემ გამოიწვია.
გამოძიება მიდის ყველა მიმართულებით. დამნაშავე თუ გამოვლინდება მიეცემიან პასუხისგებაში, – თუ არასწორი ნებართვა გაიცა ან არასწორად აწარმოეს რამე საბუთები. შესაძლოა გაიზარდოს დასაკავებელ პირთა წრე.
მიშენების პრობლემა, სამწუხაროდ, 90-იანი წლების უბედურებაა როგორც ბათუმში, ასევე თბილისში. ხელისუფლებას უნდა მიეხედა 90-იანი წლებიდან, საბჭოთა კავშირი რომ დაინგრა, დღემდე ყველა ხელისუფლებას, მათ შორის. თუმცა, ბოლო წლებში, მე ვიტყვი, რომ მიშენებები აღარ განხორციელებულა თბილისში მით უმეტეს – ეს არ დაშენებულა არც 5 და არც 6 წლის წინ, არამედ 15 წლის წინ. ზუსტად ამ კორპუსზე ვსაუბრობ რაც ჩამოინგრა“, – განაცხადა ვახტანგ გომელაურმა.
ავტორი
ნინი ხიჯაკაძე
