მუსიკოსი გელა დაიაური, რომელმაც 11 წლის წინ ავტოსაგზაო შემთხვევის დროს მეუღლე და მწირეწლოვანი შვილები დაკარგა, გულისტკივილით უთანაგრძნობს მისთვის უცნობ ადამიანს, ბათუმში, საცხოვრებელი კორპუსის ჩამონგრევის დროს მეუღლის, 2 მცირეწლოვანი შვილის და ძმის ტრაგიკულად დაღუპვის გამო:
“ჩემთვის უცნობო აჭარელო ძმაო, ღმერთმა იცის, როგორ ვგრძნობ, რა ტკივილს გრძნობ, რა სიცარიელეა შენს სულში… როგორი ცივი გახდა სამყარო შენთვის!!! დიდი განსაცდელი მოგივლინა ღმერთმა…
რამდენი პასუხგაუცემელი კითხვა იტრიალებს შენს გონებაში. მთელი ცხოვრება მოგიწევს ამ ტკივილის ტარება და მასთან ერთად ცხოვრება. ძალიან მეცოდები და მტკივა შენი ტკივილი.
სულით და გულით გითანაგრძნობ და ვუთანაგრძნობ ყველა გარდაცვლილის ახლობლებს და სრულიად საქართველოს!!!
არ მინდოდა, ისედაც მძიმე ფონის დამძიმება, მომიტევე. უბრალოდ, თავი ვალდებულად ჩავთვალე, მცირედით მაინც გამემხნევებინე ჩემი თანაგრძნობით!!!” – წერს ფეისბუქის პირად გვერდზე გელა დაიაური.
