“მესამე ძალა – სტრატეგია აღმაშენებლის ლიდერმა გიორგი ვაშაძემ, მასზე გავრცელებულ ყალბ ინფორმაციებთან დაკავშირებით ისაუბრა. ოპოზიციური პარტიის ლიდერის თქმით ეს “ქართული ოცნების” სხვადასხვა დაჯგუფებიდან მოდის:
“სამწუხაროდ არჩევნების შემდეგაც არ წყდება “fake news”-ების გავრცელება.
მე ხელთ მაქვს ის “fake news”-ები, რომლებიც ვრცელდები ჩემი ფოტოსურათით, თითქოს მე ეს განცხადებები გავაკეთე. ვფიქრობ ეს პირდაპირ “ქართული ოცნების” სხვადასხვა დაჯგუფებებიდან მოდის, მაგრამ ყველაზე ცუდია, რომ ზოგიერთი ოპოზიციური პარტიის აქტიური მხარდამჭერიც ავრცელებს ამ ყალბ ინფორმაციებს. მე მინდა ვთხოვო, აღარ გაავრცელონ ეს ცრუ ინფორმაციები.
რა თქმა უნდა, ყველა გამავრცელებელი გვერდი დარეპორტებულია. ეს არის მიზანმიმართული კამპანია, რომელიც ჩვენს წინააღმდეგ ხორციელდება”, – აღნიშნავს გიორგი ვაშაძე.
ინფორმაციას პოლიტიკური პლატფორმა “გიორგი ვაშაძე – მესამე ძალა – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
