„მესამე ძალა – სტრატეგია აღმაშენებლის“ ისნის მაჟორიტარობი კანდიდატი თეონა ჭალიძე არჩევნებთან დაკავშირებით სოციალურ ქსელში პოსტს აქვეყნებს, სადაც თითოეულ ამომრჩეველს მადლობას უხდის ნდობისა და მხარდაჭერისთვის. ჭალიძის თქმით ეს მხარდაჭერა საკმარისი არ იყო გამარჯვებისთვის, მაგრამ საკმარისია იმისათვის, რომ ათჯერ მეტი შემართებით გააგრძელოს მუშაობა რიგითი ადამიანებისთვის სასიკეთო ცვლილებებისთვის და საქმიანობას უკეთესი ხვალინდელი დღისთვის განაგრძობს:
“2744 ხმა მივიღე ისანში, რაც იმას ნიშნავს 2744 ამომრჩეველი მივიდა არჩევნებზე და ჩათვალა რომ საკრებულოში მისი ხმა უნდა ვყოფილიყავი. ეს მხარდაჭერა საკმარისი არ იყო გამარჯვებისთვის, მაგრამ საკმარისია იმისთვის რომ გავაგრძელო ათჯერ შემართებით მუშაობა რიგითი ადამიანებისთვის სასიკეთო ცვლილებებისთვის.
დიდი მადლობა თითოეულ თქვენგანს ამ ნდობისთვის, ჩემი მუშაობის დაფასებისთვის, მიგულეთ გვერდით, რადგან ჩემთვის მთავარი „სტატუსი“ არასდროს ყოფილა. საკრებულოს მაჟორიტარობა ჩემთვის დიდი გამოწვევა და პასუხისმგებლობა იყო, რომ მეტი შესაძლებლობა მქონოდა საქმის საკეთებლად.
კიდევ ერთხელ მადლობა ყველა ჩემს მხარდამჭერს, უბნელებს, მეზობლებს, ადამიანებს, ვინც სხვასთან რეკომენდაცია გამიწიეთ. მადლობა ყველა პარტიის ასობით მხარდამჭერს, ვინც ხმა მომეცით, ეს კიდე უფრო დიდი პასუხისმგებლობაა ჩემთვის.
ბოლოს კი უდიდესი მადლობა ჩემს გუნდს, მეგობრებს, ვინც ჩემს გვერდით იყავით და მეხმარებოდით ყველა სირთულის დაძლევაში, ვაგრძელებ ფიქრს და საქმიანობას უკეთესი ხვალინდელი დღისთვის“, – აცხადებს თეონა ჭალიძე.
